مــنــتــــــديــــات نجــــــــــــــxpـــــــوم

معنا تجد كل ماتريد


    لو أن اصابعنا أد بعضها لكـــــــــان الــــ..........

    شاطر
    avatar
    Admin
    المدير العام
    المدير العام

    عدد المساهمات : 76
    تاريخ التسجيل : 06/11/2008
    العمر : 29

    لو أن اصابعنا أد بعضها لكـــــــــان الــــ..........

    مُساهمة  Admin في الأحد يوليو 19, 2009 11:32 pm

    السلام عليكم ورحمة الله وبركاته




    صوابعنا مش زى بعضها
    فى صباع طويل واخر صغير
    وواحد تخين والتانى رفيع
    فأكيد اللى ينطبق على الاصابع
    ينطبق على غير الاصابع زى مثلا :



    لا تستغرب عندما تجد مسجونين أحدهما مسجون فى قصر وكأنه فى منزله تماما واخر مسجون ويُطبق عليه السجن الحق بس الاول معاه فلوووس...
    من حقه السجن ده



    وأيضا لا تستغرب عندما تجد سيارتين مخالفين فى الشارع فيأخذ احدهما مخالفه وعقوبه ويُفسح الطريق للاخر لانه يحمل كارت تبع هيئه كذااا او وظيفة كذااا



    ولا تعجب عندما ترى طالبين احدهما يجلس فى المنزل بجوار والدته والاخر يعمل فى ارقى الوظائف مع انه دخل الجامعه بعد الابتدائيه على طول لم يرى المرحلة الثانويه وذلك لان والدته كانت مديرة المدرسه وتخرَّج بتقدير امتياز من الكلية لان والده عميد الكليه ..



    عندما يُلقى القبض على شخص فى الشارع وتجده يُسارع الى قسم الشرطه ولا يبالى وذلك لان معه رقم اللواء فلان او العقيد فلان



    ولما تلاقى ناس قاعدين وتُلقى عليهم السلام تلاقى ردهم وكأنك قلتلهم حاجه عيب ولا تكاد تسمع الرد ويكتفوا بالاشاره بأيديهم اختلافا عن ردهم على الاستاذ احمد اللى راكب سيارته الفخمه وهو راجع من الشغل والكل يعلى صوته بالرد فضلا عن اتفضل يااستاذ لانه شغال فى ........



    وصل الحال الى الاموات فلابد على كل شخص ان يبنى مستقبله من الان بأن يشتهر او يبنى مجده لكى يجد من يشيع جنازته فتجد الان التساؤلات عند سماع صوت مات فلان
    ...
    الكل يتسائل مين اللى مات ؟
    فان كان من اياهم تجد الكل يترحم عليه ويجهز نفسه لتشييع الجنازة فضلا عن النيه فى الذهاب ايام العزاء كاملة ولو كان من المغمورين غير المعروفين تجدها كلمة واحده تقال وان قيلت ..الله يرحمه ..طيب هتروح تعزى ..!! والله مش عارف يمكن لا



    ده حتى فى طابور العيش ان مكانش ليك علاقة بموزع الخبز يبقى هتقف فى الطابور لحد العيش لما يخلص وانت برضه واقف لكن لو علاقتك يه تمام هتمشى اول واحد وان كنت فى اخر الصف وطبعا الاسباب عديده ولاكن هنعتبرك مريض ومش قادر تقف او انك كمان وراك شغل وعشان متتعطلش ده يعنى لو حد من الواقفين اعترض



    ده حتى والله وصلت الواسطة بين الاهل يعنى لو واحد عاوز يتجوز يكلم عمه وخاله وعمته و و و عشان يتوسطوا له ادام والده


    اخاف الايام الجايه يزداد الامر سوءا وتدخل الواسطة فى علاقة العبد بربه
    واللى مفيش ابدا فيها تفرقه بين ابيض او اسود او غنى او فقير او عربى او ءأعجمى الكل فى دى سواء امام الله فكلنا فقير ذليل ضعيف امام الله


    فنفاجأ مثلا بالصلاة تجد الواسطه تدخلت محشورة كالعاده والطبقة العليا فى الصفوف الاولى اما الفلاحين ففى الصفوف المتأخره وقد تُجلب الكراسى لاصحاب الصفوف الاولى كمان


    اضافة الى موسم الحَج أيضا للطبقه الغنيه فى موعده والفقراء معدومى الواسطة بعد العيد ان شاء الله


    فالان المقاييس والمعايير اختلفت
    دخلت الواسطة من الباب فخرج العدل من الشباك
    ونظرا لنظريتى التى خطرت ببالى حالا
    لو كنت صاحب ال أ _أ_أ
    وهى نظرية الالفات الثلاثه
    الواسطة_المال_المحسوبيه


    تمشى فى زماننا هذا وتُقضى لك حوائجك
    فاجعل اعتمادك كليا على الله جل وعلا
    ولن تخيب ابدا
    واعلم ان من اعتمد على الله لن يضيعه وهذا ملخص الموضوع
    أحبكمـــــــ فى الــــلــــــــه

      الوقت/التاريخ الآن هو الأحد سبتمبر 24, 2017 2:45 pm